Он цагийн хэлхээс

2016
Евро 5 шатахуун худалдаанд гарав.

Олон улсад өргөн хэрэглэгддэг Евро стандартын 5 дахь үеийн шатахуун Евро 5 нь энгийн шатахуунтай харьцуулахад байгаль орчинд ээлтэй төдийгүй автомашины хөдөлгүүрийн насжилтыг уртасгадаг орчин үеийн дэвшилтэт бүтээгдэхүүн юм.

2013
“Монгол 93” шатахуун худалдаанд гарав.

Дорнод аймгаас олборлосон газрын тосыг Хятадын "CNPC" компанийн харьяа Хөх хотын боловсруулах үйлдвэрт боловсруулан гаргаж авсан “Монгол 93” нэртэй шатахууныг эх орондоо анх удаа худалдаалж эхэллээ. 

2013
“Петровис” ХХК салбартаа анхлан бүрэн автомат агуулах ашиглалтад оруулав.

Шатахууны салбартаа анхдагч “Петровис”, “НИК” ХХК Монголдоо анх удаа бүрэн автомат, дэлхийн стандартад нийцсэн, хүчин чадлаараа хамгийн томд тооцогдох 44 сая литрийн багтаамжтай газрын тосны бүтээгдэхүүн хадгалах, түгээх зориулалттай “Шинэ Толгойт” агуулахыг ашиглалтад оруулж газрын тосны бүтээгдэхүүний агуулахад хувьсал хийлээ. 

2013
Петровис ХХК анхны “ЭКО” ШТС ашиглалтад оруулав.

Шатахууны хадгалалт, түгээлтийн үед гарч болзошгүй аюулаас хамгаалсан давхар хамгаалалтын системийг нэвтрүүлсэн, байгаль орчинд ээлтэй “Эко” шатахуун түгээх станцыг 2013 онд ашиглалтад орууллаа.

2012
Санхүүгийн програмыг салбарт анхлан “Петровис” ХХК нэвтрүүлэв.

Компанийн үйл ажиллагаанд санхүүгийн тайлагналын олон улсын стандартын дэлхийд хүлээн зөвшөөрөгдсөн, санхүү бүртгэлийн “Майкрософт Навишн” системийг 2012 онд “Петровис” ХХК нэвтрүүлэн салбартаа анхдагч нь боллоо.

2007
Салбарт анхлан ISO 9001 стандартыг “Петровис” ХХК нэвтрүүлэв

“Петровис” ХХК байгуулагдсаны 10 жилийн ойг угтаж 2005 оноос эхлэн чанарын удирдлагын тогтолцооны ISO 9001:2008 олон улсын стандартыг нэвтрүүлэх ажлуудыг хийснээр 2007 онд компанийн ойн баяраар гэрчилгээг гардан авч салбартаа анхдагч нь болсон билээ.

2004
“Петровис” ХХК “НИК” ХК-г хувьчилж авав.

Төрийн өмчит “НИК” ХК-ийг олон улсын тендерийн дагуу хувьчилхад “Петровис” ХХК шалгуур үзүүлэлтүүдийг хангаж, хамгийн өндөр үнийн санал өгснөөр нийт хувьцааны 80 хувьд ноогдох хувьцааг худалдан авч өөртөө нэгтгэв.

1997
“Петровис” ХХК байгуулагдав.

“Петровис” ХХК нь 1997 оны 5 дугаар сарын 15-нд Ш.Отгонбилэг агсан, Ж.Оюунгэрэл, Ч.Давааням нарын санаачилгаар үүсгэн байгуулагдаж газрын тосны бүтээгдэхүүний импорт, худалдааны чиглэлээр үйл ажиллагаагаа эхлүүлжээ.

1996
“НИК” ХК 10 гаруй охин болон хамтарсан компаниудтай болов.

1994 оны 7-р сард “НИК” хувьцаат компани байгуулагдлаа. Ийнхүү Монгол улсын Засгийн газрын өмч хувьчлалын комиссын 1994 оны 07 тоот тогтоолын дагуу НИК хувьчлалд хамрагдаж, төрийн өмч давамгайлсан (хувьцааны 80 хувийг төр эзэмшсэн) хувьцаат компани боллоо.

1994
“НИК” ХК болов

1994 оны 7 дугаар сард “НИК” хувьцаат компани байгуулагдлаа. Ийнхүү Монгол Улсын Засгийн газрын өмч хувьчлалын комиссын 1994 оны 7 дугаар тогтоолын дагуу НИК хувьчлалд хамрагдаж, төрийн өмч давамгайлсан (хувьцааны 80 хувийг төр эзэмшсэн) хувьцаат компани боллоо.

1992
Нефть импорт концерн (НИК) нэртэй болгов

Монгол Улсын Засгийн газрын 1992 оны 33 дугаар тогтоолоор Нефть импорт хангамжийн нэгтгэлийг Нефть импорт концерн (НИК) болгон өөрчлөв.

1990
Улсын нефть хангамжийн тогтолцоо бүрэн төлөвшив.

“Нефть хангамжийн удирдах газар” нь 1990 оныг хүртэл Монгол Улсын нефть бүтээгдэхүүнийг дангаар нийлүүлэгч байгууллага байлаа. Зах зээлийн эдийн засгийн харилцаанд шилжих үед нефть хангамжийн байгууллага нь барилга тресттэй, зуpaг төсвийн товчоотой, нефть бааз 24, нефть агуулах 19, ШТС (нийтийн хэрэгцээний) 200 гаруй ажиллах болсноор улс ардын аж ахуйг нефтийн бүтээгдэхүүнээр хэвийн хангах нөхцөл бүрдсэн бөгөөд улсын нефть хангамжийн тогтолцоо бүрэн төлөвшиж хангамжийн зохистой сүлжээ буй болсон байлаа.

1978
Нефть хангамжийн удирдах газрыг байгуулав.

Тээврийн яамны нефть хангамжийн хэлтсийг өргөтгөж, улс ардын аж ахуйг нефтийн бүтээгдэхүүнээр хангах, нефть хангамжийн аж ахуйг хөгжүүлэх, шатахуун тосолгооны материалыг хадгалах, тээвэрлэх, түгээх, техник, тоног төхөөрөмжийн ашиглалтыг сайжруулах, түүнд хяналт тавих үүрэг бүхий бие даасан аж ахуйн тооцоотой Нефть хангамжийн удирдах газрыг байгуулав.

1956
Газрын тосны бүтээгдэхүүнийг төмөр замаар нефть бааз руу тээвэрлэж эхлэв.

Наушка-Улаанбаатар-Замын-Үүдийн төмөр зам ашиглалтад орсноор зам дагуу байрласан Хараа, Толгойт, Сайншанд, Чойрын нефть бааз руу төмөр замаар тээвэрлэж эхлэв.

1941
Газрын тосны салбар үүсгэн байгуулагдав.

1941 оны 6 дугаар сарын 30-ны өдөр Нефть хэлтэс нь Турт, Хатгал, Цэцэрлэг, Эрээнцав, Ховдын нефть агуулах, Улаанбаатар, Баянтүмэн, Өндөрхааны бензин колонк, Ховд, Улаанбаатарын 15 автоцистернтэйгээр үйл ажиллагаагаа эхэлжээ.