Монгол улс дотооддоо Коронавирусийн халдвар алдсан нэг жилийн хугацаанд халдвараар өвчилсөн хүний тоо 200 мянга, нас барсан хүний тоо 800 гаруйд хүрч, дельта вирус дэгдэлтийн тоо нэмэгдсэн. Тэр дундаа зуны улиралд хөдөө орон нутгаар аялах иргэдийн урсгалыг даган орон нутагт халдварын тоо эрс өссөн юм. Тиймээс Петровис Групп орон нутагт ажиллаж, амьдарч байгаа иргэдэд эмнэлгийн тусламжийг хүртээмжтэй байлгахыг зорьж Багануур дүүрэг болон нийт 21 аймгийн нэгдсэн эмнэлгүүдэд 22 ширхэг эмнэлгийн зориулалтын хүчилтөрөгч өтгөрүүлэгч аппаратыг хандивласан. Мөн ард иргэдэд эмнэлгийн яаралтай тусламж үзүүлж, амь насыг нь хамгаалахын тулд олон зуун километр туулдаг орон нутгийн эмч, эмнэлгийн ажилтнуудын албаны хэрэгцээнд нийт 22 сая төгрөгийн үнэ бүхий шатахууныг хандивласан юм.
Орон нутаг дахь дэмжлэг, туслалцаа
